Юманай ялӗнче пурӑнакан 8 ҫулти Рафаэль Юсупов, шел пулин те, ашшӗ-амӑшӗ пур ҫӗртех асламӑшпе ӳсет. Сусӑр ача хӑнасене урамранах хирӗҫ тухса кӗтсе илчӗ. Йывӑррӑн ҫӳрет пулин те, савӑнӑҫне пытараймасӑр ҫӗкленӳллӗ кӑмӑлпа калаҫать. Кӗҫех вӑл 1-мӗш класа каймалла. Ҫак хумхануллӑ кун умӗн "Ҫамрӑк лидерсем" проект ертӳҫи Иван Павлов, пӗрлешӳри экономика пайӗн ертӳҫи Александр Майоров, "Такуан" клуб ертӳҫи Дмитрий Даниленко тата "Хастар" ушкӑн пайташӗсем арҫын ачана хаклӑ парнесемпе хавхалантарчӗҫ: кӗсье телефонӗ, канцеляри хатӗрӗсем, сувенирлӑ теттесемпе ҫи-пуҫ, пылак кучченеҫ тата ытти те. Рафаэльӑн асламӑшне вара Валентина Юсуповӑна мӑнукне тӗрӗс-тӗкел ӳсме пулӑшнӑшӑн тав хучӗпе чысларӗҫ.
