Ҫӗнӗ ноутбук пирки Егор Макаров 2 ҫул ӗмӗтленнӗ. Акци пирки илтнӗ-илтменех Макаровсем пӗр иккӗленмесӗр Хӗл Мучине ҫырса янӑ. Вӗсен ҫырӑвӗ "Ӗмӗтсен чӑрӑшӗ" ҫинче вырӑн тупнӑ. Арҫын ача йышлӑ ҫемьере ҫитӗнет. 3 хӗрпе 3 ывӑлтан Егор 4-мӗш. Килӗнче пӗр компьютер пур-ха, анчах ун умне ларас тесен черет тӑма тивет. Сӑмах май, Егор та уява пушӑ алӑпа килмен - парне хатӗрленӗ. Ҫӗнӗ Ҫул умӗн хӑйне савӑнтарнӑ Экономика министрне Дмитрий Краснова вӑл асӑнмалӑх хутран тунӑ чӑрӑш пачӗ.
Алиса Александрова, Дарья Паскарюк, Михаил Солин
