Пухӑннӑ калем ӑстисене айӑплава пурнӑҫлакан федераци службин Чӑваш Енри Управленийӗн ертӳҫин ҫумӗ Владимир Чучаков саламларӗ. Ку тытӑмӑн ӗҫӗ-хӗлӗпе унта пулса иртекен пулӑмсене ҫутатни ҫынсемшӗн пӗлтерӗшлӗ те кирлӗ пулнине палӑртрӗ. Малалла пӗрле тухӑҫлӑ ӗҫлессе шаннине пӗлтерчӗ.
Пухӑннисене ведомство 145 ҫул тултарнӑ ятпа хатӗрленӗ фильмпа паллаштарчӗҫ. Унта ку тытӑмӑн анлӑ историне сӑнланӑ. Малтанхи аталану ҫулӗнчен пуҫласа хальхи вӑхӑтри ӗҫ-хӗл таран. Тӗл пулӑва килнӗ журналистсем те ку службӑпа чылай ҫул тачӑ ҫыхӑнура. Чӑваш Енре вырнаҫнӑ 11 учрежденин ӗҫ-хӗлӗпе ҫыхӑннӑ хыпара куллен вулакансем, итлекенсемпе куракансем патне ҫитереҫҫӗ.
Тӗл пулӑва пӗтӗмлетсе калем ӑстисене тав хучӗсем парса чысларӗҫ.
Оксана Верликова, Михаил Солин
