Унта Сиккассинче ҫуралса ӳснӗ Иван Алексеева аса илчӗҫ. Салтака кайса килнӗ хыҫҫӑн вӑл ҫемье ҫавӑрса пиччӗшсемпе пӗрле Маяк ялӗнче тӗпленнӗ. 1942 ҫулта 38-ти Иван фронта тухса кайнӑ. Тӑшмана хирӗҫ пулеметчик пулса ҫапӑҫнӑ. Тӑван ҫӗршывӑн Аслӑ вӑрҫин 1-мӗш степеньлӗ орденне, "Ҫапӑҫура палӑрнӑшӑн" тата "Германие ҫӗнтернӗшӗн медальсене тивӗҫнӗ. 1945 ҫулта кӑтартнӑ паттӑрлӑхшӑн ӑна 3-мӗш степеньлӗ Мухтав орденӗ пама йышӑннӑ.
Алексей Енейкин, Александр Герасимов
