Коронавирус чирӗпе ҫыхӑннӑ лару-тӑрӑва пула вӗренекенсем кӑҫал олимпиадӑна хӑйсен шкулӗнчех ҫыраҫҫӗ. Ачасем парта хушшинче пӗчченшерӗн лараҫҫӗ, пурте маска тӑхӑннӑ. Класра мӗн пулса иртнине видеокамера ӳкерет. Заданисене вӗрентекенсем олимпиада ирттернӗ кун кӑна алла илеҫҫӗ, конверта ачасем умӗнче уҫаҫҫӗ. Ӗҫе пурнӑҫлама икӗ сехет уйӑрнӑ. Шупашкарти 1-мӗш шкулта биологи предметне суйлакан йышлӑн. Нумайӑшӗ хӑйӗн пурнӑҫне медицинӑпа ҫыхӑнтарасшӑн. Олимпиадӑра лайӑх паллӑ илес тесен тӗплӗн хатӗрленмелле, темӗн те пӗлмелле.
Диана Иванова, Семён Антонов
