Ҫак кунсенче асӑннӑ шкулти 4-мӗш "Г" класра вӗренекенсем ҫӗнтерӳҫӗ парнине кӗтсе илчӗҫ. Ку вӑл - Раҫҫейри кулинарсен ассоциацийӗн Шеф-поварӗн ӑсталӑх урокӗ. Онлайн-тӗлпулу апатлану технологийӗпе коммерци техникумӗнче иртрӗ. Ижевск, Воронеж, Питӗр хулисенчи ҫӗнтерӳҫӗсемпе пӗрле хутшӑннӑ парнелӗх мастер-класра ачасем "Тигр ҫури" салат тата тӑпӑрчӑран десерт хатӗрлерӗҫ. Ҫак хушӑра вӗсем пӗр-пӗринпе хутшӑнма, ҫывхарса килекен асамлӑ уявпа саламлама пултарчӗҫ.
Алиса Александрова, Святослав Петров
