Иван Яковлев ячӗллӗ Чӑваш патшалӑх педагогика университетне вӗренме кӗнисем хушшинче тӗрлӗ шайри олимпиада, конкурс, грант ҫӗнтерӳҫисем. Хамӑр ҫӗршыври студентсемсӗр пуҫне кунта чикӗ леш енчи 17 патшалӑхри ҫамрӑксем ӑс пухаҫҫӗ. Аслӑ шкул халӑхсем хушшинчи ҫыхӑнӑва анлӑлатать. Филармонин иккӗмӗш хутӗнче курав йӗркеленӗ. Кунта шырав отрячӗпе, медиацентрпа, аслӑ шкулти тӗрлӗ пӗрлешӳпе паллашма май пулчӗ.
Аслӑ шкулта ҫакӑн валли майсем ҫителӗклӗ. Вӗренӳсӗр пуҫне кашни чуна ҫывӑх ӗҫре палӑрма пултарать: наукӑра, пултарулӑхра, спортра, обществӑлла ӗҫре тата ытти ҫӗрте те.
Уявра пӗрремӗш курс студенчӗсем тӑрӑшса вӗренме тупа турӗҫ, аслӑ тантӑшӗсем вара вӗсене студент билетне парса саламларӗҫ, пурте пӗрле университет гимне шӑрантарчӗҫ. Савӑнӑҫлӑ ӗҫ-пуҫ асӑнмалӑх сӑн ӳкерттернипе вӗҫленчӗ.
Оксана Верликова, Андрей Шоклев
