Шупашкар хули 555 ҫул тултарнӑ ятпа шкул ачисем валли йӗркелекен проекта та ҫӗнӗ варкӑш кӗртнӗ. Халӗ вӗренекенсем республикӑн тӗп хулипе паллашнисӗр пуҫне вӗренӳ учрежденийӗсене те ҫитсе курма пултарӗҫ. Пурӗ 20 ытла пӗлӳ ҫурчӗ ачасене йышӑнма хатӗр. Пӗрремӗш экскурси 59-мӗш шкулта иртрӗ. Унти вӗренекенсем хӑнасем валли анлӑ программа хатӗрленӗ. Пӗлӳ ҫуртӗнче пурнӑҫланакан кӑсӑклӑ проектсемпе паллаштарчӗҫ, ҫитӗнӳсем пирки каласа кӑтартрӗҫ.
Тепӗр ҫӗнӗлӗх - экскурсовод вырӑнӗнче ачасем хӑйсем пулӗҫ. Ҫакӑ та тӗрлӗ тӑрӑхра пурӑнакан ҫамрӑксене пӗр-пӗринпе ҫывӑхрах паллашма май парӗ.
Йӗркелӳҫӗсем палӑртнӑ тӑрӑх, ҫапла майпа Шупашкарта пурӗ республикӑри 5 пин ытла ача пулса курӗ. Вӗсем - тӗрлӗ олимпиада, ӑмӑртупа конкурс ҫӗнтерӳҫисем, обществӑлла пурнӑҫ хастарӗсем.
Оксана Верликова, Дарья Ананьева, Екатерина Янгалакова
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=2021-мӗш ҫултанпа республикӑри шкул ачисем валли "Пӗр кун тӗп хулара" проект пурнӑҫланать&mh_tags=чебоксары,школьники,экскурсия,&mh_page=http://chgtrk.ru/novosti/obrazovanie/2021-mesh-cultanpa-respublikari-shkul-achisem-valli-per-kun-tep-hulara-proekt-purnaclanat/){kind=small}