Кун пирки Республика Пуҫлӑхӗ Олег Николаев Вӑрмарпа Куславкка тӑрӑхӗсенчи уй-хир ӗҫӗсемпе паллашнӑ май палӑртрӗ.
Владимир Иванов фермер хуҫалӑхӗнче халь хӗрӳ ӗҫҫи - урпа выраҫҫӗ. Пӗрчӗллӗ тата пӑрҫа йышши культурӑсене 2 пин ытла гектар ҫинчен пухса кӗртнӗ. Тыр-пулӑн вӑтам тухӑҫлӑхӗ - 26-27 центнер. Хуҫалӑхра хальхи йышши хир карапӗсемпе ӗҫлеҫҫӗ. Олег Николаев та хӑватлӑ техника рулӗ умне ларса курчӗ. Куславкка районӗнчи "Родина" хуҫалӑхра та тухӑҫ пӗлтӗрхинчен сахалрах - гектартан 21 центнер ытла. Халь кунта кӗрхисене акаҫҫӗ. Хуҫалӑх ертӳҫин Людмила Емельянован сӑмахӗпе тыр-пула тивӗҫлӗ хакпа сутассипе йывӑрлӑхсем ҫук. Ӑна ҫурҫӗрти регионсене ӑсатаҫҫӗ.
Алена Артемкина, Михаил Нагоркин, Игорь Ульянов
