Шӑмӑршӑ тӑрӑхӗнче пурӑнакансене прививка тӑвасси палӑртнӑ йӗркепе пулса пырать. Район тухтӑрӗсем ялсене тухса ҫӳреҫҫӗ. Киле пырса та, ятарлӑ автобусри медпунктра та вакцина яраҫҫӗ. Кӑҫал Шӑмӑршӑ больницинче ача-пӑча корпусне юсаса пӗтернӗ, халь кунта поликлиника. Чирлисене вӑхӑтра медицина пулӑшӑвӗ пама пӗтӗм май пур: уҫӑ регистратура, уйрӑмсемпе кабинетсен тӗлне кӑтартакан паллӑсем, пулӑшакан администраторсем - йӑлтах меллӗхшӗн йӗркеленӗ.
Марина Карягина, Татьяна Иванова, Димитрий Макаров.
