Сӗнтӗрвӑррине аталантармалли программӑн шӑнӑрне иртнӗ уйӑхра хула ертӳҫисем министрсемпе тата архитекторсемпе пӗрле пӑхса тухнӑччӗ. Ҫавра сӗтеле Атӑл тӑрӑхӗнчи дизайнерсемпе урбанистсем, вырӑнти халӑх хутшӑннӑ. Калаҫӑвӑн тӗп тӗллевӗ - Сӗнтӗрвӑрринче пурӑнакансен шухӑшне шута илсе хула ҫыранлӑхӗн сӑнне илӗртӳллӗрех тӑвасси. Ку вырӑнта культура эткерлӗхне упракан ҫурт нумай. Ҫавӑн пекех историшӗн пысӑк пӗлтерӗшлӗ авалхи чиркӳсем пур. Вӗсене ҫӗнетни хула сӑн-сӑпатне улӑштарнипе пӗрлех кунта туристсене ытларах илӗртме пуҫламалла.
Алексей Енейкин, Алексей Зотиков, Георгий Кривошеин
