Сӗнтӗрвӑрри - ӗлӗкхи хула. 18-19-мӗш ӗмӗрсенчех кунта чиркӳсем хута кайнӑ, больница ӗҫлеме пуҫланӑ, пушар хуралне йӗркеленӗ. Хула Атӑл хӗрринче вырнаҫнӑран, кунта суту-илӳ тӑвакан купсасем пурӑннӑ. Вӗсем хӑй вӑхӑтӗнче кермен пек ҫуртсем хӑпартнӑ. Хӑшӗ-пӗри паянхи кунччен упранса юлнӑ. Ҫак ҫуртра 19-мӗш ӗмӗрте Степан Соснин купса пурӑннӑ. 2002-мӗш ҫулта ӑна федераци харпӑрлӑхне куҫарнӑ. Атӑл хӗрринче лараканскере туристсем тӳрех асӑрхаҫҫӗ. Ҫуртра паянхи кун Культура ҫурчӗпе район библиотеки вырнаҫнӑ. Кунта пӗлтӗр тӗп юсав ирттернӗ.
Алена Артемкина, Олег Цыпленков
