Турхан ялӗнчи библиотекӑна вара нумай пулмасть юсанӑ. Ӑна хальхи йышши хатӗрсемпе, ҫӗнӗ кӗнекесемпе тивӗҫтернӗ. Унта Республика Пуҫлахӗ Олег Николаев ҫитсе курчӗ.
Турханти библиотекӑна "Культура" наци проекчӗпе ҫӗнетнӗ. Унта 6 ялта пурӑнакансем ҫӳреҫҫӗ. Пурӗ 5 миллион тенкӗ ӗҫе янӑ. Библиотека 5 пайран тӑрать. Вулав залӗсӗр пуҫне, калаҫу вырӑнӗ, ача-пӑча лаптӑкӗ пур. Ҫавӑн пекех кӑмӑл тӑвакансем кунти компьютерпа усӑ курма пултараҫҫӗ. Вулавӑша 3 пин кӗнекепе пуянлатнӑ. Олег Николаев пӳлӗмсене пӑхса ҫаврӑннӑ май, кунта тӗрлӗ ӑрури ҫынсем вӑхӑта усӑллӑ ирттерме пултарнине палӑртрӗ. Районти экономикӑпа социаллӑ пурнӑҫӑн аталану ҫул-йӗрне канашлура сӳтсе яврӗҫ. Вӑл шутра демографи лару-тӑрӑвӗ кӑткӑс. Ял ҫыннисене шывпа тивӗҫтересси те ҫивӗч ыйтусенчен пӗри.
Алена Артемкина, Дарья Паскарюк, Владимир Синдеев
