Коронавируспа чирлисен йышӗ республикӑра ӳссех пырать. Иртнӗ талӑкра кӑна 107 ҫынна шута илнӗ. Пандеми пуҫланнӑранпа ҫак амак 11 пин те 600 ҫынна аптратнӑ. Лару-тӑру йывӑрланса пынӑ май, Чӑваш Енре вируса хирӗҫ кӗрешмелли йӗркесене те хытарса пыма тивет. Роспотребнадзор студентсене тата 5-11-мӗш класс ачисене инҫет мелӗпе вӗрентесси ҫине куҫма сӗнет. Кун пирки коронавирус сарӑлассине асӑрхаса тӑракан оперативлӑ штаб ларӑвӗнче калаҫу пулчӗ.
Екатерина Фомина, Михаил Солин