Аслӑ типӗ вӑхӑтне шута илсе пачӑшкӑсем кашни эрнерех кӗлле кӗреҫҫӗ. Чиркӗве ҫӳрекенсен йышӗ вара чӑнах та палӑрмаллах чакнӑ. Ҫакӑ уйрӑмах хуласенче сисӗнет. Шупашкар тата Чӑваш Ен митрополичӗ Варнава халӑха чир-чӗр сарӑлма пултарнӑ вӑхӑтра чиркӗве ҫӳремесӗрех килте кӗлӗ тума тӑрӑшмаллине каланӑ. Ҫак йӗркене пӑхӑнма Кирилл Патриарх та ыйтнӑ. Уйрӑмах аслӑ ҫултисен килӗсенче ларсан аван. Чиркӳсенче вара халӗ ҫынсене чир-чӗр алхаснӑ вӑхӑтра вуламалли ятарлӑ кӗлӗсен пуххине валеҫеҫҫӗ.
Алексей Енейкин
