Парад кителӗпе тата салтак пек яштака - Николай Пискун ҫак кунсенче 97 тултарнӑ. Ҫулӗсене пӑхмасӑр уяв концертне ура ҫинче тӑрса итлет. Аслӑ Ҫӗнтерӳ кунӗ уншӑн уйрӑмах пӗлтерӗшлӗ. 45-мӗш ҫулхи майӑн 9-мӗшне паянхи пек ас тӑвать, ҫав самантра хуралта тӑнӑскер, радиопа тӑшмана тӗп туни ҫинчен илтнӗ, савӑнӑҫлӑ хыпара ротӑна пӗлтернӗ.
Агриппина Янович ветеран Аслӑ Ҫӗнтерӳ кунне Кёнигсберг патӗнче кӗтсе илнӗ. 10-мӗш класра вӗреннӗ Элӗк хӗрӗ 42-мӗш ҫулти кӗркунне фронта каять. 18-мӗш гварди дивизийӗнче санитарка пулса 100 ытла аманнӑ салтака вӑрҫӑ хирӗнчен илсе тухать.
Ирина Николаева, Виктор Степанов