Ҫӗнӗ Шупашкарти Винокуров урамӗнчи 23-мӗш ҫурт ҫывӑхӗнчи пасарта тӗрлӗ продукци сӗнеҫҫӗ: пахча-ҫимӗҫ, сӗт-ҫу, тӑпӑрч, сыр, пыл, калчасемпе хунавсем тата ытти те. Кунта суту-илӳ тума таврари ялсенчен те килеҫҫӗ.
Ҫитес вӑхӑтра кунта ҫӗнӗ пасар уҫас тӗллевлӗ. Хальлӗхе строительсем кивӗ павильонсене илсе пӑрахнӑ, плиткӑсем сараҫҫӗ. Пурӗ 20 суту-илӳ вырӑнӗ йӗркелӗҫ, саксем вырнаҫтарӗҫ, урнӑсем лартӗҫ. Тавар сутакансем валли те, туянакансем валли те хӑтлӑ майсем пулӗҫ. Ку объекта хута яма 6 миллион тенке яхӑн уйӑрнӑ.
Оксана Верликова, Вадим Владимиров
