Кайӑк-кӗшӗк грипӗ - хӑрушӑ чирсен йышӗнче. Вӑл ҫынна та ерме пултарать. Ҫак инфекцин витӗмне пирӗн республикӑра туйса курнӑ ӗнтӗ. 2018-мӗш ҫулта Чӑваш Енри 8 районта карантин пулнӑ. Ун чухне Патӑрьел, Куславкка, Ҫӗрпӳ, Комсомольски, Елчӗк, Йӗпреҫ, Хӗрлӗ Чутай тата Ҫӗмӗрле тӑрӑхӗсенче кайӑк-кӗшӗк грипне тупса палӑртнӑ. Инфекци пирӗн республикӑна Ростов облаҫӗнчен кӳрсе килнӗ чирлӗ чӑхсемпе ҫитнӗ тесе шутлаҫҫӗ. Ҫавӑнпа чӑх-чӗпе ятарлӑ вырӑнта кӑна туянмалла.
Алена Артемкина, Виктор Степанов.