Кӳршӗсен театрӗ чунӗпе кӑна мар, ҫӳлӗпе те ҫамрӑк-ха - 1991-мӗш ҫулта кӑна ҫуралнӑ. Ҫуралнӑ та тӳрех хальхи наци драматургӗсен шухӑш-ӗмӗчӗсене хытӑ ярса тытнӑ. Театрта ҫамрӑк драматургсен лабораторине йӗркеленӗ. «Ҫӗнӗ пьеса» тесе ят панӑ ӑна. Шупашкара ҫармӑссем "Сёсна поминка деч вара" ятлӑ - чӑвашла ӑна "Сысна пумелкки" тенӗ - аслисем валли лартнӑ комеди илсе килнӗ. Вӑл паянхи пурнӑҫ пӑтӑрмахӗсемпе тачӑ ҫыхӑнни куракансене ҫав тери кӑсӑклӑ.
Александр Осипов, Николай Семёнов
