Шупашкарти пыльчӑкпа сипленмелли центр коронавируспа йывӑр чирленӗ хыҫҫӑн сывлӑха ҫирӗплетме пулӑшакан республикӑри 4 учрежденирен пӗри. Массажпа физио- тата психотерапи процедурисене хальхи вӑхӑтра ҫавӑн пекех хулан 1-мӗш клиника больницинче, Осипов ячӗллӗ пӗрремӗш больницӑра тата Ҫӗнӗ Шупашкарти "Надежда" санаторире тӑваҫҫӗ. Программа хута кайнӑранпа республикӑра ӳпке шыҫҫипе аптранӑ 620 ытла ҫын реабилитаци тухнӑ.
Леонид Петров, Игорь Ульянов
