Чӑваш Енре халӗ алӑк туса кӑларакан 27 пысӑк предприяти ӗҫлет. Вӗсенче ҫулталӑкра миллион ытла продукци хатӗрлеҫҫӗ. Ҫавна май, ҫӗршывра тӑвакан мӗнпур алӑкӑн 11 процентне пирӗн республикӑра кӑлараҫҫӗ теме юрать. Иртнӗ ҫулхи кӑтартусем вара питех савӑнтармаҫҫӗ. Тӗнчери йывӑр лару-тӑрӑва пула ҫак тавар сахал сутӑнма пуҫлани куҫкӗрет. Ҫапах та фабрикӑсенчи ӗҫ шавӗ пысӑк шанӑҫ парать. Регион ертӳҫи Олег Николаев хулари алӑк тата чӳрече кӑларакан икӗ предприятире пулчӗ. Производствӑпа паллашнӑ май ҫӗнӗлле ӗҫленин пӗлтерӗшӗ халӗ уйрӑмах пысӑк пулнине палӑртрӗ.
Алексей Енейкин, Вадим Владимиров
