Шупашкартан килнӗ делегаци 3 шкула ҫитсе курчӗ. Вӗсен тӗллевӗ тӗрӗслесе ҫитменлӗхсемшӗн явап тыттарасси мар - сӗнӳ-канашпа пулӑшасси. Тӗп хулари 45-мӗш шкул Чутай тӑрӑхӗнчи 9 пӗлӳ ҫурчӗшӗн яваплӑ. Уйӑх каялла Шупашкарта семинар иртнӗ. Унта 22 вӗренӳ заведенийӗ хутшӑннӑ. Канашлура ачасене вӗри апатпа тивӗҫтерессине сӳтсе явнӑ. Ун чухне меню мӗнле пулмаллипе апат-ҫимӗҫе мӗнле упрамаллине те уҫӑмлатнӑ. Практика пайӗнче чутайсем шӑпах 45-мӗш шкулта пулса курнӑ.
Надежда Александрова, Виктор Степанов
