Хуплу, пӳремеч, шӑрттан, тултармӑш, чӑкӑт, ҫӑкӑр тата ытти те. Мӗн кӑна ҫук пуль сӗтел ҫинче! Ҫак техӗмлӗ те тутлӑ апат-ҫимӗҫе конкурса хутшӑнакансем авалхи йӑла-йӗркене шута илсе хатӗрленӗ. Вӗсем тӳресене тараватлӑн кӗтсе илчӗҫ, сӑйларӗҫ. Тӗпелти вӑрттӑнлӑхсене те уҫса пачӗҫ. Апат-ҫимӗҫ куравӗ - фестивалӗн пӗрремӗш тапхӑрӗ кӑна пулчӗ. Пӗтӗмпе хӗрарӑмӗсем 5 номинацире тупӑшрӗҫ. Апат-ҫимӗҫ ӑста хатӗрлеме пултаракансем ал ӗҫӗнче те маттур пулнине ҫирӗплетрӗҫ. Чӑваш пуканисем, ҫемҫе теттесем, нуски-алсиш, кӑҫатӑ, тӗрленӗ картина, чӑваш тум-тирӗ - ҫак илемлӗ япаласене пӗтӗмпех чун ыйтнипе ӑсталанине пӗлтерчӗҫ чӑннипех те ылтӑн алӑллӑскерсем.
Елена Дмитриева, Зоя Яковлева
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Комсомольскинче \"Хӗрарӑм, сан умӑнта таятӑп пуҫӑма\" регионсем хушшинчи конкурс-фестиваль иртрӗ &mh_tags=&mh_page=http://chgtrk.ru/novosti/nacionalnye-novosti/komsomolskinche-heraram-san-umanta-tayatap-pucama-regionsem-hushshinchi-konkurs-festivalirtre/){kind=small}