Медицина учрежденийӗнче вӑхӑтлӑха инфекци стационарӗ йӗркеленӗ. Ковидпа аптракансене тивӗҫлӗ пулӑшу пама ятарлӑ хатӗрсем туяннӑ, эмелпе тивӗҫтернӗ. Чире хирӗҫ кӗрешекенсене ҫӑмӑл пулман. Хӑш-пӗр чух шур халатлисен талӑкӗпех ӗҫлеме тивнӗ. Коронавируспа чирлекенсен шучӗ чакнипе, кӑрлач уйӑхӗн 19-мӗшӗнче ҫӗнӗ пациентсене йышӑнма чарӑннӑ. Вируса тӗп тӑвас тесен стационарти кашни пӳлӗме ҫуса тасатаҫҫӗ. Ҫавӑн пекех ҫуртри сывлӑша та дезинфекцилеҫҫӗ.
Елена Дмитриева, Михаил Солин
