"Ҫавра сӗтел" тавра пуҫтарӑннисем колхоз театрӗсен историне, вӗсен аталанӑвне пысӑк тӳпе хывнисене, артистсене аса илчӗҫ, хальхи театрсен ӗҫ-хӗлне сӳтсе яврӗҫ. Кӗнеке куравӗ те пӗлтерӗшлӗ пулӑмӑн кун-ҫулне уҫса пама пулӑшрӗ. Пирӗн республикӑра пӗрремӗш колхоз театрне 1934-мӗш ҫулта Куславкка тӑрӑхӗнче йӗркеленӗ. Ун хыҫҫӑн Патӑрьелте ӗҫлеме пуҫланӑ. Шупашкар тӑрӑхӗнче те хӑй тӗллӗн вӗреннӗ артистсен пултарулӑхне аталантарма тивӗҫлӗ майсем туса панӑ. "Ҫавра сӗтеле" пӗтӗмлетсе юпа уйӑхӗн 30-мӗшӗнче халӑх театрӗсен фестивальне йӗркелеме йышӑнчӗҫ.
Оксана Верликова, Екатерина Янгалакова
