"Иккӗмӗш ҫӑкӑра" халалланӑ уяв кӑҫал 12-мӗш хут иртет. Хальхинче Раҫҫейри 24 регионтан тата Беларуҫрен пурӗ 81 компание пӗрле пуҫтарчӗ вӑл. Ҫӗр улми ҫитӗнтерекенсем палӑртнӑ тӑрӑх, курав пӗр-пӗрин ӗҫӗ, отрасльти ҫӗнӗлӗхсем пирки пӗлме май парать. Ял хуҫалӑхӗн ӑслӑлӑхпа тӗпчев институчӗ унта ҫулсеренех хутшӑнать. Вӗсен экспозицийӗпе ҫынсем кӑсӑклансах паллашрӗҫ. Ир пулаканни, каярах пулса ҫитекенни, шурри, сарри, хӗрли - ҫӗр улмин 30 сортне илсе килнӗ курава. Ҫӗннисене кӑларас тӗлӗшпе те ӗҫлеҫҫӗ институтра.
Екатерина Фомина, Виктор Степанов
