Сӗрӗм тивнӗ тӗслӗхсем ытларах хӗлле пулаҫҫӗ. Тата, статистика тӑрӑх, пӗчӗк ачасем пурӑнакан хваттерсенче. Ашшӗ-амӑшӗ пепкисем шӑнса пӑсӑласран хӑраса чӳречисене уҫмасть. Ҫапла пӳлӗме уҫӑ сывлӑш кӗмест. Газа ҫунма вара кислород кирлӗ. Лару-тӑрӑва хваттере уҫӑлтарманни ҫеҫ мар, пластик чӳречесем лартни те йывӑрлатать. Унсӑр пуҫне ытти ырлӑх та инкек патне илсе ҫитерме пултарать. Хваттерте тӗрлӗ шӑрш-марш ан пултӑр тесе, ҫынсем час-часах ятарлӑ хатӗрсем вырнаҫтараҫҫӗ.
Вероника Павлова, Михаил Солин, Виктор Степанов