Йӑлана кӗнӗ йӗркепе уяв тӗлне Шупашкарти 3-мӗш ача сатне ҫӳрекенсем концерт хатӗрленӗ. Амӑшӗсем уява инҫет мелӗпе кӑна хутшӑнма пултарчӗҫ пулин те, шӑпӑрлансем чи ҫывӑх ҫыннисене саламласа тӑрӑшса юрӑсем шӑрӑнтарчӗҫ, сӑвӑсем каларӗҫ. Ҫавӑн пекех сатикре фотокуравсем, акцисемпе конкурссем, ӑсталӑх сехечӗсем йӗркеленӗ.
Елена Дмитриева, Юлия Скрябина, Виктор Степанов
