Социаллӑ пӗлтерӗшлӗ документсен шутӗнче - 2021-мӗш ҫулта пенсионерсен пурӑнмалли чи пӗчӗк укҫа виҫине хӑпартасси. Кӑҫалхипе танлаштарсан вӑл 0,9 процент ӳссе 8 пин те 35 тенке ҫитмелле. Ҫавна май республикӑри Пенси фончӗн хушма тӑкакӗсем 500 миллион ытла тенкӗпе танлашӗҫ. Ҫак ҫӗнӗлӗхе депутатсем ырласа йышӑнчӗҫ. Ҫитес ҫултан 18 тултарман 5 е ытларах ачаллӑ ҫемьесене паракан пособи 2 хут ӳсмелле. Ҫакна валли Чӑваш Ен бюджетӗнчен хушма 3 миллион та 300 тенкӗ уйӑрмалла. Ку укҫа 5 пин те 200 ачана патшалӑх пулӑшӑвӗпе тивӗҫтерме май парӗ.
Алиса Александрова, Екатерина Храмкина
