Ку проект Шупашкарта икӗ кун ӗҫлет. Унта культурӑпа ҫыхӑннӑ ҫивӗч ыйтусене сӳтсе яваҫҫӗ. Уҫӑ калаҫӑва Питӗрти специалистсем ирттереҫҫӗ. Пӗрремӗш кунне вӗсем пухӑннисене хӑйсен ӗҫ опычӗпе паллаштарчӗҫ. "Петергоф" музей-заповедник ҫумӗнчи вӗренӳ центрӗнчи Валерия Менг, Пушкин музейӗ ҫумӗнчи "Мусейон" Центрти Наталия Кузнецова ачасене музея илӗртесси пирки калаҫрӗҫ. Ҫавӑн пекех тӗл пулура хальхи электронлӑ юрӑ-кӗвӗ пирки сӑмах пычӗ. Техника аталаннӑ май ҫак пултарулӑх вӑй илсе пырать. Уйрӑмах ҫамрӑксем ӑна килӗштереҫҫӗ.
Алена Артемкина, Никита Углев