Канаш районӗнчи Мӑкӑр ялӗнче пинрен сахалрах ҫын пурӑнать. Туризм маршручӗпе ҫӳрекенсене кунта ҫӑкӑр тӑварпа хапӑл туса кӗтсе илчӗҫ. Ку ялта пурӑнакансем чӑваш йӑли-йӗркине упрама тӑрӑшаҫҫӗ: ӗҫре те хастар, уявра та хаваслӑ. Мӑкӑр историйӗ пуян.Туристсем валли Леонид Михайлов таврапӗлӳҫӗ экскурси ирттерчӗ. Ун сӑмахӗпе яла 17-мӗш ӗмӗрте никӗсленӗ. Ку кӗтес пирки республика тулашӗнче те лайӑх пӗлеҫҫӗ. Курма килекенсене уйрӑмах ҫӳллӗ те капмар кӗпер илӗртет.
Туристсен тепӗр юратнӑ вырӑнӗ - Сӗнтӗрвӑрри тӑрӑхӗнчи Шуршӑлти Андриян Николаев ячӗллӗ космонавтика музейӗ.
Алена Артемкина, Дарья Паскарюк, Никита Углев, Вадим Владимиров
