Ачасен ҫуркуннехи каникулӗ ерипен килти вӗренӗве куҫрӗ. Иккӗмӗш эрне учительтен социаллӑ тытӑмсем урлӑ тӗрлӗ хӑнӑхтару илсе класри ӗҫе те, килтине те хӑйсем тӗллӗн тӑваҫҫӗ ачасем. Вӗрентекен вырӑнӗнче - ашшӗ-амӑшӗ е пиччӗш-аппӑшӗ. Кӗнеке вулассине те, ал ӗҫне те, ӳкерессипе музыкӑна та, физкультурӑна та программӑпах туса пымалла. Кашни урока пӗтӗмлетсе электрон е видеоҫыру ярса памалла.
Ҫуллахи каникула та ачасем халиччен пулнӑ графикпех кайӗҫ. 9-мӗшсен Тӗп патшалӑх экзаменӗпе 11-мӗшсен Пӗрлӗхлӗ патшалӑх экзаменӗсене вара ҫӗртме уйӑхне куҫарнӑ.
Алиса Александрова, Семен Антонов