"Таябинка" агрофирма - районти чи тухӑҫлӑ ӗҫлесе пыракан хуҫалӑхсенчен пӗри. Кӑҫал пӗрлешӳре усӑ куракан ҫӗр лаптӑкне ӳстернӗ. Пӗтӗмпе кунта 6 пин гектар ҫинче тыр-пул туса илеҫҫӗ. Халӗ хуҫалӑхра хӗрӳ тапхӑр - ир пуҫласа каҫччен кӗрхи тулӑ выраҫҫӗ. Ҫӗр ӗҫченӗсене тухӑҫ савӑнтарать. Хуҫалӑхра вӑрлӑх пахалӑхне пысӑк тимлӗх уйӑраҫҫӗ. Специалистсем тӑтӑшах тӗрлӗ тӗпчев ирттереҫҫӗ, ҫӗнӗ технологисем ӗҫе кӗртеҫҫӗ. Агрофирмӑн уй-хирӗнче регионшӑн ҫӗнӗ культура та ҫитӗнтереҫҫӗ. Ҫулталӑк каялла, сӑмахран, эксперимент мелӗпе энӗс - тмин акса хӑварнӑ.
Елена Дмитриева, Вадим Владимиров