Пуканесем ӑсталама Терентий Дверенин 85 ҫулта чухне пуҫланӑ. Фильмри тӗп сӑнара калаҫтарса яма ҫӑмӑлах пулманнине калать автор. Апла пулин те 11 ҫулта самай паха материал пуҫтарма май килнӗ. Пирӗн пултарулӑх ушкӑнӗ шӑпах ҫак хушӑра халӑх ӑстин маҫтӑрлӑхне сӑнаса киноочеркӑн 3 пайне ӳкернӗ. Кӑҫал Терентий Дверенин 101 ҫул тултарас чухне пурнӑҫран уйрӑлчӗ. Терентий Парамонович кун-ҫулӗ тӗрлӗрен пулнӑ - вӑрҫӑ вучӗ витӗр тухса Берлина ҫитнӗ, чунӗпе яланах тӑван ял пуласлӑхӗшӗн ҫуннӑ. Фильмра та вӑл хӑйӗн ыратӑвӗ пирки калаҫать. Ҫавӑнпа та режиссер тӑван халӑх, чӑваш ҫыннисем пирки ӳкернӗ ӗҫсем тӗрлӗ шайра палӑрнишӗн хӗпӗртет. "Хамӑр пирки ҫӗршыв, тӗнче ҫыннисене каласа пани паха", - тет вӑл.
Алиса Александрова, Вероника Павлова, Семен Антонов
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Волгоградра Пӗтӗм Тӗнчери \"Вечный огонь\" фестивале пӗтӗмлетнӗ &mh_tags=конкурс,гтрк чувашия,авторский фильм,&mh_page=http://chgtrk.ru/novosti/kultura/volgogradra-petem-tencheri-vechnyy-ogon-festivale-petemletne/){kind=small}