Ямпайра пурӑнакансен пултарулӑхне аталантарма халӗ майсем ҫителӗклӗ. Ҫутӑ, ӑшӑ, хӑтлӑ клуб пирки вӗсем тахҫантанпах ӗмӗтленсе пурӑннӑ. Кивӗ ҫурта юхӑннине пула хупма тивнӗ. Ҫӗннине иртнӗ ҫулхи кӗркунне тума пуҫланӑ. Кермене строительсем часах хӑпартнӑ, хӑтлӑх кӳнӗ. Ӑна уҫма Республика Пуҫлӑхӗ Олег Николаев ҫитрӗ. Вӑл ҫавӑн пекех Элӗк, Ҫӗрпӳ тата Ҫӗмӗрле тӑрӑхӗсен пуҫлӑхӗсене автоклубсен уҫҫисене пачӗ. Хальччен ҫакӑн йышши урапа ҫинчи культура центрӗсем Патӑрьелпе Канаш муниципалитечӗсен ҫеҫ пулнӑ. Автобуса концерт, уяв ирттерме кирлӗ хатӗрсемпе йӑлтах тивӗҫтернӗ.
Оксана Верликова, Вадим Владимиров
