"Культурӑллӑ канмалли кунсем" акципе килӗшӳллӗн пуш уйӑхӗн 6-мӗшӗнчен 8-мӗшӗччен Наци библиотекине 200 ытла ҫын ҫитнӗ. Вырсарникун, сӑмахран, Чӑваш Енри профессионал писательсен Союзӗпе патшалӑх академи симфони капелли сӑвӑллӑ-кӗвӗллӗ концерт ирттернӗ. Ачасем валли вулавӑшра экологи темипе пуҫватмӑш-вӑйӑсем йӗркеленӗ. Тӗрӗ тӗрлес текенсене те хапӑл пулнӑ кунта. Кӗнеке, чечек ҫыххи ӑсталассипе вара уроксем, кино каҫӗсем иртнӗ. Республикӑри театрсемпе музейсем уяв кунӗсем куракансене хавас пулчӗҫ. Халӑхсен туслӑхӗн ҫуртӗнчен те 3 кун халӑх татӑлмарӗ.
Алиса Александрова, Леонид Петров
