Пирӗн ӗҫтеш унччен те пултарулӑх конкурсӗсенче пӗрре мар палӑрнӑ. Хальхинче тӗрлӗ ҫӗршывран ҫирӗплетнӗ тӳресен йышне турккӑлла субтитрсемпе кӑтартнӑ "Ҫӑлтӑр витӗр ҫул курӑнать" фильм тыткӑнланӑ. Лентӑри тӗп сӑнар - Терентий Дверенин. Шел пулин те, пӗр ӗмӗр урлӑ каҫнӑ ветеран ҫулталӑк каялла пурнӑҫран уйрӑлчӗ. Пирӗн ӗҫтешӗн фильмӗ профессионал режиссерсен ӗҫӗсем хушшинче 2-мӗш вырӑн йышӑннӑ. Пурӗ конкурса тӗнчен тӗрлӗ кӗтесӗнчен 200 ытла картина ярса панӑ. Фестивале хутшӑннӑ фильмсене ҫывӑх вӑхӑтра 9 ҫӗршывра кӑтартӗҫ. Наградӑна илме тивӗҫлӗ пулнисем хушшинче Марина Карягина - Раҫҫейрен кайнӑ пӗртен-пӗр ҫӗнтерӳҫӗ.
Алиса Александрова, Владимир Синдеев
