Планета" кондитерскийӗнче ахаль кулинарсем мар, асамҫӑсем ӗҫлеҫҫӗ тейӗн. Наци костюмне ҫакӑн пек кӑтартни халиччен пулман. Пӗрре пӑхсан вӑл пусма пекех, чӑннипе вара шалта - пыллӑ икерчӗсем, ҫиелтен мастикӑпа витнӗ. Мӗн-пур пайӗ ҫиме юрӑхлӑ, ҫаннине те, аркине те ас тивсе пӑхма пулать. Анчах та ҫак илемлӗхе никам та ҫӗмӗрме хӑяймӗ. Раҫҫей маҫтӑр-кондитерӗ Юрий Сиволоб хӑйӗн ӗҫтешӗсемпе пӗрле ҫак асамлӑ ҫимӗҫе 8 уйӑх ытла хатӗрленӗ. Малтанласа чӑваш тумне тӗрлӗ кӗнекере тӗпченӗ, музейсене кайса ҫӳренӗ. Хӑйсене хавхалантаракан экспоната Чӑваш тӗррин музейӗнче тупнӑ.
Надежда Александрова, Михаил Солин
