Тӑван республика, тӗп хула ятне инҫетри ҫӗрсенче чыслӑн тытса пынӑ карапа курма халӑх йышлӑн пуҫтарӑннӑ: ачасемпе ҫамрӑксем, тинӗс ҫар флочӗпе чикӗ хуралӗнче службӑра тӑнисем. Хаклӑ хӑнасем хушшинче Республика Пуҫлӑхӗн тивӗҫне вӑхӑтлах пурнӑҫлакан Олег Николаев, Николай Гавриловпа Владимир Проничев Раҫҫей Геройӗсем. Владимир Егорович хӑй вӑхӑтӗнче ҫӗршыври пограничниксен службине ертсе пынӑ. Сторожевика 3 ҫул каялла службӑран хӑтарнӑ, анчах та ӑна Калининград облаҫӗнчен Чӑваш Ене ҫитерме халӗ тин укҫа-тенкӗ тупӑннӑ. Техникӑна Чулхула облаҫӗнче юсаса ҫӗнетнӗ. Ӑна музея ҫавӑрса 6 зал йӗркелӗҫ.
Алиса Александрова, Наталия Егорова, Михаил Солин
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Шупашкара ҫӗршыв чиккине хуралланӑ \"Чебоксары\" карап килсе ҫитрӗ&mh_tags=корабль,&mh_page=http://chgtrk.ru/novosti/kultura/shupashkara-cershyv-chikkine-hurallana-cheboksary-karap-kilse-citre/){kind=small}