Ӗҫлӗ тӗлпулу ниепле те лӑпкӑн иртме пултараймарӗ. Культурӑпа ӳнерте ӗҫлекен пултарулӑх ҫыннисем Максимов-Кошкинскипе Тани Юн 95 ҫул каялла уҫма пултарнӑ "Чӑвашкинона", 4 ҫул каялла ҫӗнӗрен чӗртсе яма май тупнӑскере, тӗнче шайӗнче ӗҫлеттересшӗн - ку пурне те ӑнланмалла. Анчах паянхи кун ҫак пысӑк студие тытса тӑрас тата унта вӑй хуракансене тивӗҫлӗ шалу тӳлес тесен, сахал мар укҫа-тенкӗ кирлӗ. Культура министрӗ Светлана Каликова каланӑ тӑрӑх, "Чӑвашкинона" тытса тӑрасси тӑкаклӑ кӑна. Пушанса юлнӑ директор вырӑнне урӑххине лартас ыйтупа министерство конкурс ирттернӗ, ӑна 6 хут тӑснӑ - усси пулман: тивӗҫлӗ шайри пӗлӳ илнӗ опытлӑ хуҫалӑх ҫынни тупӑнман. "Ертӳҫӗсӗр, 2800 тӑваткал метр йышӑнакан пӳлӗмсемпе туса пӗтермен павильона туллин усӑ курмасть, Уставра палӑртнине кирлӗ пек пурнӑҫламасть" тесе, республика ертӳҫин ҫапла пӗтӗмлетӳ тума тивнӗ: "Чӑвашкино" патшалӑх киностудийӗпе электронлӑ документсен архивне салатса урӑххисемпе пӗрлештермелле.
Марина Карягина, Димитрий Макаров
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Республика Пуҫлӑхӗ пултарулӑх ҫыннисемпе \"Чӑвашкино\" студи пуласлӑхне сӳтсе яврӗ&mh_tags=чувашкино,&mh_page=http://chgtrk.ru/novosti/kultura/respublika-puclahe-pultarulah-cynnisempe-chavashkino-studi-pulaslahne-sytse-yavre/){kind=small}