Чӑвашсен тӗп наци уявне тӗрлӗ тӑрӑхри йӑхташсем инҫе ҫула кӗскетсе ҫитнӗ. Уявра 13 регионтан килнӗ 16 ушкӑн пултарулӑхӗпе паллаштарчӗ. Вӗсем пурте хӑйсем патӗнче тӑван чӗлхепе йӑла-йӗркене упракансем. Уявра республикӑри тӗрлӗ районтан килнӗ ушкӑнсем ял пурнӑҫне сӑнлакан хӑна ҫурчӗсем йӗркеленӗ. Шупашкарта кӑҫал Акатуй уявне 10-мӗш хут ирттерчӗҫ. Унта пухӑннӑ чӑвашсене Республика Пуҫлахӗ Олег Николаев саламларӗ.
Алена Артемкина, Виктор Степанов
