Артистсем сцена ҫине тухса спектакль кӑтартасси вӑхӑтлӑх чарӑннӑ пулин те, Шупашкарти театрсем яланхи йӗркепех ӗҫлеҫҫӗ. Республикӑн 6 профессиллӗ театрӗнче те репетицисем пыраҫҫӗ, маларах палӑртса хунӑ ӗҫсене хӑй еккипех пурнӑҫа кӗртеҫҫӗ. Ака уйӑхӗн репертуарне кӗртсе ҫирӗплетнӗ пекех, премьерӑсем те куракан умне тухма хатӗр тӑраҫҫӗ - асӑрханулӑха манмасӑр, тухтӑрсем сарӑлакан чире хӑвӑртрах путлантарассине кӗтесси кӑна юлать.
Марина Карягина, Семён Антонов
