Ӳнер тӗнчипе кӑсӑкланакансем, юлташӗсем, вӗренекенӗсемпе вӗрентекенӗсем - Владимир Ларевӑн ӗҫӗсене пахалама чылайӑн пухӑнчӗҫ. Экспозицине авторӑн ҫавра ҫулне - 70 ҫулхи юбилейне халалланӑ.
Автор ӳкерчӗксем урлӑ вӑрҫӑ, тӑван ҫӗршыв темисене ҫутатнисӗр пуҫне паянхи пурнӑҫӑн кӑткӑс ыйтӑвӗсене те хускатать. Тӗнчере пулса иртекен киревсӗр ӗҫсене питлет.
Владимир Ларев пуҫтарӑннӑ хӑнасене хапӑл тунӑ май, хальхи вӑхӑтра мӗн ӗҫлени пирки каласа кӑтартрӗ. Вӑрҫӑ темине вӑл малалла та тимлӗх уйӑрасшӑн. Паян ӳнерҫӗ ятарлӑ ҫар операцине халалласа "Ангел" ятлӑ ӳкерчӗк ӑсталать. Унсӑр пуҫне ункӑна лекнӗ Ленинграда сӑнлакан картина тӑвассипе тӑрӑшнине палӑртрӗ автор. Художникӑн ӗҫӗсемпе ҫывӑхрах паллашас текенсене Чӑваш патшалӑх ӳнер музейӗнче авӑн уйӑхӗн 29-мӗшчен кӗтеҫҫӗ.
Оксана Верликова, Екатерина Янгалакова
