Иван Мучи - Иван Илларионов ҫыравҫӑ псевдонимӗ. Пурнӑҫ ҫулӗ вӑрӑмах пулман унӑн. Апла пулин те ячӗ халӑхра, республика пичетӗнче лайӑх ҫирӗпленсе юлнӑ. Литературӑри чи курӑмлӑ та янравлӑ жанра - сатирӑпа юмора аталантарас енӗпе ӗҫленӗ вӑл. Иван Мучи ҫине тӑнипе республикӑра "Капкӑн" журнал йӗркеленӗ. Чӑваш чӗлхин аталанӑвӗпе вичкӗнлӗхӗ кулленхи пурнӑҫри ҫӗнӗлӗхсемпе ҫыхӑнса ирӗклӗ янранипе тата пичетре хӑй вырӑнне тупса ҫирӗпленнипе кӑна вӑй илсе малалла сулӑнма пултарнине лайӑх туйнӑ ҫыравҫӑ.
Александр Осипов, Семён Антонов
