Вӑл пахчинче ҫӗр-пин тӗрлӗ чечек ӳстерет, вӗсене тӗрре куҫарать.
Хальхи вӑхӑтра гектарӗпе ҫӗр илсе тем те пӗр акса ӳстерекен пур. Римма Акимовӑн вара пурӗ те 6 сотӑй кӑна, анчах унта ҫеҫкеленсе ларакан тӗрлӗ ӳсентӑрана курсан куҫ-пуҫ алчӑрать. "Ҫӗр ӗҫӗ пуҫ тайнине кӑмӑллать" тет те ӗҫчен хӗрарӑм юратнӑ йӑранӗсем умне пӗшкӗнет. Унӑн пахчи - илем утравӗ ҫеҫ мар, сӑнав лаптӑкӗ, тейӗн: кил хуҫи тӗнчен мӗнпур кӗтесӗнчен вӑрлӑх ҫырӑнса илет е хӑй ҫул ҫӳренӗ чухне туянса таврӑнать. Ҫулла пахчаҫӑ пулса пурӑнакан ӑста ҫанталӑк сивӗтсен тӗрӗҫӗ пулса каять те юратнӑ ҫеҫкесене пир ҫине куҫарать. Унӑн хула варринчи хваттерӗ - чӑн-чӑн галерея.
Марина Карягина, Вадим Владимиров
