Ку тӑрӑхра халӑх пултарулӑхӗн 7 коллективӗ ӗҫлет. Районти Культура ҫурчӗн сцени ҫине умлӑн-хыҫлӑн "Ветеран" хор, халӑх ташшисен "Рябинушка" ушкӑнӗ, "Топотушки" ташӑҫисем, "Валинкке", "Ахпай" фольклор ансамблӗсем, Татмӑшри, Мӑн Вылӑри, Элӗкри театр коллективӗсем тухрӗҫ. Комисси коллективсен пултарулӑхне пур енлӗн хакларӗ. Костюмсем, репертуарӗ, аристсен тыткаларӑшӗ, йӑла-йӗркене тытса пыни - пӗтӗмпех пӗлтерӗшлӗ тӳресемшӗн. Элӗк тӑрӑхӗнчи пур ушкӑн та халӑх ячӗпе ҫӳреме чӑннипех те тивӗҫлӗ пулнине ҫирӗплетрӗҫ.
Алиса Александрова, Николай Семенов
