Тарават Турхан халӑхӗ сумлӑ хӑнасене тулли кӗрекепе кӗтсе илчӗ: сӗтел ҫинче - чӑваш халӑх апат-ҫимӗҫӗ, кӑмакара капӑртма пиҫет. Сумлӑ уява республика Пуҫлӑхӗн тивӗҫне вӑхӑтлӑх пурнӑҫлакан Олег Николаев, Раҫҫей Патшалӑх Думин финанс енӗпе ӗҫекен комитет ертӳҫи Анатолий Аксаков, культура министрӗн тивӗҫне пурнӑҫлакан Роза Лизакова, Патшалӑх канашӗн депутачӗсем тата ытти сумлӑ хӑнасем килсе ҫитрӗҫ.
Алексей Кокель пурӑннӑ 81 тӑваткӑл метр йышӑнакан ҫурта 19-мӗш ӗмӗр пуҫламӑшӗнче ҫӗкленӗ, тӗпрен юсасан ҫав вӑхӑтри уйрӑмлӑхсене сыхласа хӑварнӑ. Музей ҫуртра художникӑн кулленхи ӗҫре усӑ курнӑ япалисем, эскизӗсем, нумайӑшне Украинӑран, Алексей Афанасьевичӑн мӑшӑрӗ патӗнчен илсе килнӗ.
Марина Карягина, Виктор Степанов.
