Зинаида Воронова - пирӗн ӗмӗре пурӑнса ҫитейнӗ несӗлсен ӑс-хакӑл туприне, ваттисен пилне пӗтӗм пурнӑҫ тӑршшӗпе ҫӗнӗ ӑру патне ҫитерес тесе ырми-канми ӗҫлекен ҫын. Ҫавра ҫулӗ ячӗпе хатӗрлесе ҫитернӗ анлӑ куравра - тӗрлӗ вырӑнта пурӑнакан чӑвашсен наци ҫи-пуҫӗ, вӑл ӑсталанӑ хушпу-тухьяпа ытти капӑрлӑх. Кӗмӗл тенкӗсен ялтравӗ пӗчӗккисемшӗн те илӗртӳллӗ: чӑвашла тумланнӑ пуканесем - халь-халь вӑйӑ картине тӑрса юрласа ярас пек чӗрӗ. Халӑх ӑсти ҫак яваплӑ та сӑваплӑ ӗҫре - 50 ҫул. Ҫур ӗмӗр хушшинче Зинаида Воронова хӑйӗн хастар та тӑрӑшуллӑ ӗҫтешӗсемпе пӗрле тӑван халӑхӑн авалтан упранса пыракан тӗрри-эрешӗ нихҫан кивелми пуянлӑх иккенне ӗнентерме пултарчӗ.
Марина Карягина, Владимир Синдеев
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Чӑваш тӗррин музейӗнче \"Кӗмӗл тенкӗсен ялтравӗ\" курав уҫӑлчӗ&mh_tags=выставка,музей,&mh_page=http://chgtrk.ru/novosti/kultura/chavash-terrin-muzeyenche-kemel-tenkesen-yaltrave-kurav-ucalche/){kind=small}