Спектакле Кирилл Корсаков режиссер хатӗрленӗ. Ҫемьери хутшӑнусем пирки ҫырнӑ чылай хайлава шӗкӗлчесен Валентин Красногоровӑн "Прелести измены" пьесине суйланӑ. Спектакле кӑҫал кӑрлач уйӑхӗнче хатӗрлеме пуҫланӑ. Сценари ҫырнӑ вӑхӑтра хайлав авторӗпе интернетпа ҫыхӑну тытнӑ. Кирилл Корсаков "йӑлари романтизм" жанрпа ӗҫлет. Паянхи кун питӗ нумай мӑшӑр уйрӑлать. Ытларах чухне ҫакӑн салтавӗ - пӗр-пӗрне суйни, еркӗнпе ҫыхланса кайни, тет ҫамрӑк. Ҫемьесем ҫирӗп пулччӑр тесе ҫак ҫивӗч ыйтӑва хускатма шутланӑ вӑл. Спектакльте вылякан артистсем пурте тӗрлӗ тӑрӑхран. Ҫавӑнпа вӗсем театра "Сто лиц" ят пама шутланӑ. Халь артистсем тӑрӑшса репетици ирттереҫҫӗ. Постановкӑна ҫак эрнекун курма пулать.
Алена Артемкина, Святослав Петров
