Ҫеҫпӗл Мишши ячӗллӗ ҫамрӑксен театрӗ "Пиллӗк - ҫирӗм пиллӗк" трагикомедипе куракансене тыткӑнларӗ. Тӗп сӑнар Коля хальхи ҫамрӑксене хумхантаракан ыйтусене хускатать. Ӑна малашлӑх иккӗлентерет. Пурӑнма тем пек йывӑр пулсан та, лайӑххи ҫав-ҫавах чылай, ҫак шухӑша каччӑ пуҫра пӗрре мар ҫавӑрттарать. Пьеса авторӗ - Питӗрти ҫамрӑк драматург Данила Привалов. Спектакль режиссерӗ - Ҫеҫпӗл Мишши ячӗллӗ Чӑваш патшалӑх ҫамрӑксен театрӗн артисчӗ - Дмитрий Михайлов. Ку вӑл унӑн пӗрремӗш пысӑк ӗҫӗ.
Вероника Павлова, Николай Семёнов
